Ushaq apatynyń sebebi týraly tekserý aıaqtalǵannan keıin ǵana aıtýǵa bolady - A.Bekturov
ASTANA. 7 aqpan. QazAqparat - «Kókshetaý-Almaty» baǵyty boıynsha №760 áýe reısin oryndaǵan «Chellenger-200» ushaǵynyń apatqa ushyraýynyń naqty sebepteri týraly tekserý tolyq aıaqtalǵannan keıin aıtýǵa bolady. Al tekserýge 6 aı ketýi múmkin, dedi kólik jáne kommýnıkatsııa vıtse-mınıstr Azat Bekturov.
Bul týraly QR Prezıdenti janyndaǵy Ortalyq kommýnıkatsııa qyzmetiniń saıty habarlady.
Álemdik tájirıbede áýe apattarynyń sebepterin anyqtaýǵa orta eseppen 500-deı kún ketedi. Biraq, Azat Bekturovtyń aıtýynsha, bizdegi oqıǵada «qara jáshiktiń» zardap shekpegeni, apat bolǵan jerdiń ashyq bolýy jáne arnaıy qyzmetterdiń jedel áreketi bul oqıǵanyń tezirek tekserilýine kómek bolady.
Búgingi tańda «qara jáshik» oqylyp, onyń nátıjeleri Qazaqstanda, Reseıde jáne Kanadada taldanýda. Azat Bekturovtyń aıtýynsha, biraq ta tekserý aıaqtalmaı, sarapshylardyń eshqaısysy apattyń sebebin ataı almaıdy. Onyń aıtýynsha, Kanadada tehnıkalyq kórsetkishterge júrgiziletin taldaý jumystarynyń ózi 4 aıǵa sozylýy múmkin.
Vıtse-mınıstr óz suhbatynda sondaı-aq, «Chellenger-200» ushaǵynyń otynnyń jetpeı qalýy saldarynan apatyna ushyraý yqtımaldyǵy týraly aqparatty teriske shyǵardy.
«Áýe kemesinde 2,5 saǵat ushýǵa jetetin otyn bolǵan. Jáne bizde ushqyshtar men dıspetcherlerdiń áńgimeleriniń jazbasy bar, onda olar qalǵan otyn qory týraly aıtqan», - dedi vıtse-mınıstr Azat Bektýrov.
A.Bekturovtyń aıtýynsha, apat kezinde ushaqta otynnyń bolǵanyn maı quıý qyzmeti de rastap otyr. Oǵan qosa, apat ornynda tógilgen otynnyń úlken izi bar, ol jerde avıakerosınniń ıisi áli shyǵyp tur
