Ushaq apatynan zardap shekkenderge qan tapsyrý úshin donorlar izdestirilip jatyr
Atalmysh habarlama Almaty qalasy ákimdiginiń telegramdaǵy resmı paraqshasynda jarııalandy.
«Qurmetti almatylyqtar. Ushaq apatyna baılanysty shuǵyl túrde qan donory kerek. Almatyda qan ortalyǵynyń mekenjaıy Buqar jyraý, 47 úı, telefon: 274-31-99. Almaty oblystyq qan quıý ortalyǵynyń mekenjaıy: Qaskeleń qalasy, Abylaı han kóshesi, 42 úı, telefon: +7 (72771) 2 28 04», - delingen habarlamada.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
Osy apatqa qatysty shuǵyl jeli iske qosylǵan.
Qaıǵyly oqıǵaǵa baılanysty Memleket basshysy Qasym-Jomart Toqaev kóńil aıtty.
