Ushaq apatynan zardap shekkenderge bilikti neırohırýrgter sanavıatsııa arqyly jetkiziledi

ALMATY. QazAqparat – Almatyda ushaq apatynan zardap shekkenderdiń densaýlyǵyna baılanysty qalalyq Qoǵamdyq densaýlyqty saqtaý basqarmasynyń basshysy Tileýhan Ábildaev aıtyp berdi, dep habarlaıdy QazAqparat tilshisi.

Onyń aıtýynsha, barlyǵy 66 adam qalalyq jáne oblystyq aýrýhanaǵa jetkizilgen.

«Almatyda jedel járdem brıgadalary 66 adamdy jetkizgen. Onyń ishinde 50 adam aýrýhanalarǵa jatqyzyldy. №4 klınıkalyq aýrýhanaǵa - 19 adam, qalalyq shuǵyl medıtsınalyq kómek kórsetý aýrýhanasyna - 13 adam, ortalyq qalalyq aýrýhanaǵa - 3 naýqas jetkizildi. Al Balalarǵa shuǵyl medıtsınalyq kómek kórsetý ortalyǵyna 9 bala jetkizildi. Almaty oblystyq kóp profıldi klınıkalyq aýrýhanasyna 6 naýqas jatqyzyldy», - dedi Tileýhan Ábildaev.

Basqarma basshysy barlyq naýqastardyń emine qajetti dári dármek jetkilikti ekenin aıtty.

«Qazir naýqastar qajetti dári dármekpen qamtylyp otyr. Bári jetkilikti. Astanadan kerekti mamandardy jumyldyrýǵa Respýblıkalyq sanavıatsııa qyzmeti daıar. Neırohırýrg, basqa da mamandardy shaqyratyn bolamyz», - dedi basqarma basshysy.

«Balalardyń barlyǵy esin biledi. Keıbireýlerine shuǵyl ota jasaý kerek. Súıekteri synǵan. Qalalyq shuǵyl medıtsınalyq kómek kórsetý aýrýhanasyna, qalalyq ortalyq aýrýhanaǵa jetkizilgen naýqastar jeńil jáne orta dárejeli jaraqat alǵan», - dedi ol.