Ushaq apatynan zardap shekkender aýrýhanaǵa jatqyzylyp jatyr

ALMATY. QazAqparat - Almaty mańyndaǵy ushaq apattynan zardap shekkender №4 aýrýhana men balalar «Jedel medıtsınalyq kómek» ortalyǵyna jetkizildi, dep habarlaıdy QazAqparat tilshisi qala ákimdiginiń baspasóz qyzmetine silteme jasap.

«Zardap shekkender 4 qalalyq klınıkalyq aýrýhana men balalarǵa jedel kómek kórsetý ortalyǵyna jetkizildi»,-delingen habarlamada.

Almaty ákimdigi barlyq qalalyq qyzmetterdi jumyldyrdy. TJD (30 adam jáne 7 tehnıka) jedel qutqarý toby (16 qyzmetker, 2 tehnıka jáne 1 kınologııalyq ıt), apattar medıtsına ortalyǵy (4 qyzmetker jáne 1 tehnıka), jedel járdem (35 qyzmetker jáne 15 tehnıka) jumys isteıdi. Sonymen qatar PD (200 qyzmetker jáne 20 tehnıka) jáne 12 jedel top quryldy.

Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.

Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty. Osy apatqa qatysty shuǵyl jeli iske qosylǵan.