Ushaq apatynan tiri qalǵandardyń jaǵdaıy belgili boldy - Almaty ákimdigi
ALMATY. QazAqparat - Almatyda dárigerler ushaq apatynan japa shekken eki adamnyń densaýlyǵy jaıly aıtty, dep habarlaıdy QazAqparat tilshisi.
Oqıǵa ornynda Almaty qalasy Qoǵamdyq densaýlyq basqarmasynyń jedel járdemniń 10 reanımatsııalyq brıgadasy jumys istep jatyr.
«Zardap shekken adamnyń biri 33 jastaǵy er adamnyń sol jaq sany ashyq synǵan, jabyq mı jaraqatyn alǵan. 25 jastaǵy jigit mı jaraqatyn alǵan, qol saýsaqtary synǵan. Sonymen qatar, 2-3 dárejeli kúıik alǵan. Qazir olar Almatydaǵy 4 aýrýhananyń jansaqtaý bóliminde jatyr. Jaǵdaılary óte aýyr. Dárigerler zardap shekkenderdiń ómirin qutqarý úshin bar kúshin salýda. Barlyq kadrlar, sonyń ishinde qalanyń bas reanımatology jumyldyryldy»,- dedi basqarmadan.
Eske salsaq, búgin Nur-Sultan-Almaty baǵytynda kele jatqan AN-26 áskerı ushaǵy 17.22-de radardan joǵalyp, qala áýejaıy mańynda apatqa ushyraǵan edi.
Ushaqta bolǵan 4 adam qaza tapty. 2 adam túrli jaraqattarmen Almaty qalasynyń 4-qalalyq klınıkalyq aýrýhanasyna jetkizildi.
