Ushaq apatynan qaza tapqandardyń otbasylaryna 1 mln rýbl ótemaqy tólenýi yqtımal
ASTANA. QazAqparat - Apattan qaza tapqan reseılik ekıpaj músheleri men naqty is-saparmen jolǵa shyqqan borttaǵy azamattardyń otbasylaryna 1 mıllıon rýblden ótemaqy tólenýi múmkin.
Reseıdiń Eńbek jáne áleýmettik qorǵaý mınıstri Maksım Topılın osyndaı tapsyrma berdi. Endi bul ispen Eńbek jáne jumyspen qamtý jónindegi federaldy qyzmet pen Áleýmettik saqtandyrý jáne Zeınetaqy qorlary aınalysatyn bolady. Al jolaýshylar men ekıpaj músheleri aldyndaǵy jaýapkershiligin óz moınyna alǵan «Ingosstrah» saqtandyrý kompanııasy qyrshyn ketken ár marqumnyń otbasyna 2 mıllıon rýblden ótemaqy tóleýge ýáde berdi, dep habarlaıdy 24.kz.
