Ushaq apatynan qaza tapqan «Shapekoense» qaqpashysy Brazılııanyń úzdik fýtbolshysy dep tanyldy
ASTANA. QazAqparat - Jankúıerler marqum bolǵan «Shapekoense» qaqpashysy Danılo Padılıaǵa Brazılııanyń eń úzdik fýtbolshysy degen ataq berdi. Nagradany fýtbolshynyń ápkesi men anasyna tabystady.
Danıloǵa saýalnamaǵa qatysýshylardyń 48 paıyzy daýys bergen, dep naqtylaıdy TASS.
Oıynshylar, jattyqtyrýshylar men dárigerler bar «Shapekoense» brazılııalyq fýtbol komandasynyń ushaǵy 28 qarasha kúni Kolýmbııadaǵy Medelın qalasyna ushyp bara jatqanda apatqa ushyraǵan. 30 qarasha kúni Ońtústik Amerıka Kýbogynyń aıasynda "Shapekoense" men "Atletıko Nasonal" arasynda fınaldyq oıyn ótýi tıis edi. Keıinnen Ońtústik Amerıka fýtbol konfederatsııasynyń (KONMEBOL) sheshimimen kýbok «Shapekoense» komandasyna berildi.
