Ushaq apatynan aman qalǵan Á.Shaıahmetovaǵa qajetti barlyq medıtsınalyq kómek kórsetilýde

ASTANA. QazAqparat - Dárigerler Jambyl oblysynda bolǵan ushaq apatynyń saldarynan zardap shekken áıelge qajetti barlyq kómekti kórsetýde, dep habarlady QR Densaýlyq saqtaý jáne áleýmettik damytý mınıstrliginiń baspasóz qyzmetinen.

Jambyl oblysynda An-2 ushaǵynyń apatynan keıin tiri qalǵan Ásem Shaıahmetovanyń jaǵdaıy aýyr bolǵamyne turaqty dep baǵalanyp otyr. Ony emdeý taktıkasyn anyqtaý úshin búgin Shýǵa Astanadan úsh jáne Tarazdan eki maman bardy.

Buǵan deıin belgili bolǵandaı, 1986 jyly dúnıege kelgen Ásem Shaıahmetova Shý qalalyq aýrýhanasyna 20 qańtar kúni saǵat 19 shamasynda jetkizildi. Onyń oń jambasy synǵan, bas súıegi zaqymdanyp, mıy shaıqalǵan. Qatty shoshynǵan. Dárigerlerldiń aıtýynsha, naýqas kelip túsken kezde onyń jaǵdaıy turaqty aýyr boldy. Jansaqtaý jaǵdaıynda oǵan shokqa qarsy, bakterııalarǵa qarsy terapııa jáne erıtrotsıtarlyq kólemmen gemotrasfýzııa jasaldy. Naýqasqa qajet dári-dármek, qan jáne ony almastyratyn zattar aýrýhanada jetkilikti kólemde. «Emdeý taktıkasyn anyqtaý úshin búgin respýblıkalyq sanıtarlyq avıatsııamen Taraz qalasyna Onkologııa jáne transplantologııa Ǵylymı ortalyǵynan úsh dáriger keldi. Aýa raıynyń qolaısyzdyǵyna baılanysty olar birden Shý qalasyna ushyp shyǵa almady. Astana mamandary Tarazdaǵy áriptesterimen birge Shýǵa reanımobıldermen shyqty. Jaqyn saǵattarda kelýi tıis», - delingen habarlamada. Budan basqa, búgin apatta qaza tapqandardyń týystary men jaqyndaryna psıhologııalyq jáne medıtsınalyq kómek kórsetý úshin psıhologtar kabıneti men dárigerlik qabyldaý uıymdastyryldy.