Ushaq apatynan 128 adam qaza tapqan
ASTANA. QazAqparat - Aljırdiń shyǵysynda, Ýmm-el-Bavakı qalasy mańynda S-130 «Gerkýles» atty áskerı ushaqtyń apatqa ushyraýynan 128 adam qaza tapty, dep jazady Ýtro.rý.
Apattan aman qalǵan bir adam aýrýhanaǵa jatqyzyldy. Áýe kóliginde aljırlik áskerı qyzmetkerler men olardyń otbasy músheleri bolǵan. Qazirgi kezde oqıǵa ornynda órt sóndirýshiler, dárigerler men qutqarýshylar jumystar júrgizýde.
Ushaq Varkale provıntsııasynan ushyp shyǵyp, eldiń soltústik-shyǵysynda ornalasqan Konstantına qalasynyń áýejaıyna bet alyp bara jatqan.
Aldyn-ala berilgen málimetterge qaraǵanda, laınerdiń apatqa ushyraýynyń basty sebebi osy óńirde sońǵy kúnderi qatty jeldiń tynbaı soǵyp turýynan, degen boljam bar.
