Ushaq apatyna baılanysty sotqa deıingi tergeý bastaldy - ІІM
«Іshki ister mınıstrligi QR Qylmystyq kodeksiniń 344-baby 3-tarmaǵy boıynsha (áýe kóligi júrisi nemese olardy paıdalaný qaýipsizdigi qaǵıdalaryn buzý) sotqa deıingi tergeýdi bastady. ІІM ortalyq apparatynyń, Almaty jáne Almaty oblystyq kóliktegi polıtsııa departamentteriniń, sonymen qatar Tótenshe jaǵdaılar komıtetiniń qyzmetkerlerinen – tájirıbeli tergeýshiler, krımınalısterden jasaqtalǵan jedel tergeý toby quryldy», - dep atap ótedi mınıstrlikten.
Vedomstvo málimetinshe, oqıǵa orny kúzetke alyndy. Apat bolǵan jerdegi jumystardy úılestirý úshin Іshki ister mınıstriniń orynbasarlary, polıtsııa general-maıorlary Rashıd Jaqypov pen ıÝrıı Ilın oqıǵa ornyna jetti.
Aıta keteıik, búgin tańda Almatydan Nur-Sultan qalasyna ushyp shyqqan ushaq radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa ushyp shyqty.
QR Prezıdenti Qasym-Jomart Toqaev ushaq apatyna kináliler zańǵa sáıkes qatań jazalanatynyn málimdedi.
Elbasy Nur-Sultan Nazarbaev jolaýshylar ushaǵynyń apatqa ushyraýyna baılanysty kóńil aıtty.
