Ushaq apaty: jansaqtaý bóliminde jatqan dáriger palataǵa aýystyrylady

ALMATY. QazAqparat – Ushaq apatynan jaraqat alǵan áıel aldaǵy bir-eki kúnde jansaqtaý bóliminen palataǵa aýystyrylady. Bul týraly Almaty qalalyq qoǵamdyq densaýlyq saqtaý basqarmasy bastyǵynyń mindetin atqarýshy Tileýhan Ábildaev aıtty, dep habarlaıdy QazAqparat tilshisi.

Áýe apatynan zardap shekkenderdiń ishinde jansaqtaý bóliminde bir adam jatyr. Ol - Nur-Sultan qalasyndaǵy travmatologııa jáne ortopedııa ǵylymı-zertteý ınstıtýtynda.

«Jansaqtaý bóliminde jatqan áıeldiń jaǵdaıy turaqty. Ol bizdiń áriptesimiz, dáriger. Onyń ıyq súıegi birneshe jerden synǵan. Sondyqtan oǵan eki ret operatsııa jasaldy. Qazir onyń jaǵdaıy alańdaýshylyq týǵyzbaıdy», - dedi Tileýhan Ábildaev.

Eske sala keteıik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn. 12 adam qaza tapty.

Keıin Almaty áýejaıy «Bek Air» ushaǵynyń qulaý ýaqytynyń hronologııasyn jarııalady.