Ushaq apaty: Úkimettik komıssııa málimdeme jasaıdy

NUR-SULTAN. QazAqparat – Erteń BekAir áýekompanııasy ushaǵynyń apatqa ushyraý sebepterin anyqtaý boıynsha úkimettik komıssııa jumysynyń aldyn ala boljamy jarııa etiledi, dep habarlaıdy QazAqparat ortcom.kz silteme jasap.

«10 qańtar kúni saǵat 15:00-de QR Prezıdenti janyndaǵy Ortalyq kommýnıkatsııalar qyzmetiniń alańynda Almaty oblysyndaǵy BekAir áýekompanııasy ushaǵynyń apaty sebepterin anyqtaý boıynsha úkimettik komıssııa jumysynyń aldyn ala boljamy boıynsha málimdeme jasalady», delingen habarlamada.

Baıandamashylar: QR Premer-Mınıstriniń orynbasary Roman Sklıar; QR Indýstrııa jáne ınfraqurylymdyq damý vıtse-mınıstri Berik Kamalıev; Memleketaralyq avıatsııalyq komıtettiń bas dırektory Vıktor Sorochenko.

Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeır kompanııasynyń ushaǵy radardan joǵalyp ketti. Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy. QR Premer-Mınıstri Asqar Mamınniń tóraǵalyǵymen ushaq apatynyń sebepterin tergeý boıynsha Úkimettik komıssııanyń otyrysy ótkizilgen edi. Oqıǵanyń mán-jaıyn anyqtaý úshin ushaq qulaǵan aýmaqqa arnaıy komıssııa jiberildi.