Ushaq apaty: professor Artyqbaev 17- avıareıske shyqqan
ALMATY. QazAqparat - Kardıologııa jáne ishki aýrýlar ǵylymı- zertteý ınstıtýtynyń qyzmetkerleri ushaq apatynan qaza bolǵan áriptesteri Jánibek Artyqbaevtyń otbasyna materıaldyq kómek kórsetpek, dep habarlaıdy QazAqparat tilshisi.
Búgin dárigerler marqumnyń qandaı maman bolǵandyǵyn eske aldy.
Anestezıolog-reanımatolog, professor Artyqbaev 19 qyrkúıekte 60 jyldyǵyn toılaǵan. 30 jyldyq eńbeginde myńdaǵan adamnyń ómirin qutqaryp qalǵan.
«Meniń áriptesim óz isiniń mamany bolatyn. Kúrdeli júrek otalary kezinde, júrekti toqtatqan kezde de ota sátti aıaqtalatyn. Sońǵy ýaqytta ol tálimgerlikpen aınalysty. Óziniń tájirıbesin, bilim jastarǵa mura etip qaldyrdy. 2015 jyldan beri ol 17 ret avıareıspen qatynaǵan», - dedi Instıtýt dırektorynyń orynbasary Qurmanǵazy Madalıev.
Marqummen 14 jyl qatar jumys jasaǵan dosy ári áriptesi Ismatýlla Kamalov ta qaıǵyly oqıǵaǵa qatysty oıyn bildirdi.
«Ol tek qana Almatyda ǵana emes, barlyq Qazaqstanda syıly azamat bolatyn. Ol ár iske muqııat bolatyn. Amal qansha, osy joly keste boıynsha Jánibektiń kezegi keldi», - dedi ol.
Instıtýt qyzmetkerleri qaza bolǵan áriptesteriniń otbasyna kóńil aıtyp, materıaldyq kómek kórsetýge daıyn ekendikterin aıtty.
