Ushaq apaty: Qara jáshik Memleketaralyq avıatsııa komıtetine beriledi

NUR-SULTAN. QazAqparat – Almaty túbinde apatqa ushyraǵan ushaqtyń qara jáshigi Memleketaralyq avıatsııa komıtetine beriledi. Bul týraly búgin Ortalyq kommýnıkatsııalar qyzmetindegi baspasóz máslıhatynda QR Indýstrııa jáne ınfraqurylymdyq damý vıtse-mınıstri Berik Kamalıev aıtty, dep habarlaıdy QazAqparat tilshisi.

«Keshe QR Premer-Mınıstriniń orynbasary Roman Sklıar Memleketaralyq avıatsııa komıtetiniń tóraǵasymen sóılesti. Ýaǵdalastyq boldy, búgin keshkisin, saǵat 18-40-ta Máskeýden Almatyǵa sarapshy ushyp kelip, jumysqa kirisedi. Jedel tergeý toby jumys istep jatyr. Jedel tergeý toby áýe kemesi bortynyń ózdiginen jazý quralyn aldy. Erteń biz qara jáshikti mán-jaıdy anyqtaý úshin Máskeý qalasyndaǵy Memleketaralyq avıatsııa komıtetine beremiz», - dedi Berik Kamalıev.

Onyń atap ótýinshe, qara jáshiktegi jazbalardyń mán-jaıyn anyqtaý jumystary dúısenbi bastalady.