Ushaq apaty: dárigerler zardap shekken balalardy aýrýhanadan shyǵarýǵa daıyndaýda

ALMATY. QazAqparat – 27 jeltoqsan kúni ushaq apatynan zardap shekken balalardyń jaǵdaıy jaqsaryp keledi. Bul týraly Almaty qalalyq balalarǵa shuǵyl kómek kórsetý ortalyǵynyń bas dárigeri Abaı Qusaıynov aıtty, dep habarlaıdy QazAqparat tilshisi.

«Balalar klınıkasynda 7 bala jatyr. Barlyǵynyń jaǵdaıy jaqsaryp keledi. Emdi tolyq kólemde qabyldaýda. Psıhologııalyq jaǵdaıy da turaqty. Erteń biz taǵy da analız alamyz», - dedi ol.

Bas dáriger onyń qorytyndysy daıyn bolǵan soń, birneshe balanyń úıine shyǵarylatynyn tilge tıek etti.

Onyń aıtýynsha, eki bala ambýlatorııalyq emge jiberildi.

«Balalardyń arasynda bir otbasynan tórt adam bar. Barlyǵy - Almatydan. Olardyń keıbireýine ota jasaldy», - dep tolyqtyrdy Abaı Qusaıynov.

Buǵan deıin ekinshi ushqyshtyń jansaqtaý bóliminen palataǵa aýystyrylǵany týraly jazǵan bolatynbyz.