Ushaq apaty: «Bek Air» kompanııasynyń ushaǵy ushyp shyqqan jol jabyldy
ALMATY. QazAqparat - Almaty áýejaıynyń prezıdenti Bolat Erjanov apatqa ushyraǵan Bek Air ushaǵy ushyp ketken jolaqtyń jaǵdaıy týraly aıtty, dep habarlaıdy QazAqparat tilshisi.
«Ushaq ushyp shyqqan jolaq jabyldy. Komıssııa Bek Air kompanııasymen birge tergeý júrgizýde», - dedi Bolat Erjanov Almatyda ótken baspasóz máslıhatynda.
«Ushý-qoný jolaǵynyń jaǵdaıy qalypty. Dál osy jolaqtan 3 mınýt buryn «Eır Astana» áýe kompanııasynyń ushaǵy Máskeýge ushty. Bári jaqsy bolǵan. Áýejaı ekinshi jolaqta qalypty jumys isteıdi», -dep qosty ol.
