Ushaq apatynan zardap shekkenderge jan-jaqty kómek kórsetiledi: qaıda habarlasý kerek
ASTANA. KAZINFORM – Elimizdiń Kólik mınıstri Marat Qarabaev Aqtaý mańyndaǵy áýe apatynan mert bolǵan jáne zardap shekken jandardyń tanys-týystaryna úndeý jasady.
— Biz tizimdegilerdiń týystaryna barlyq qajetti kómekti kórsetemiz, olardyń bul jerde tanys-týystary joq shyǵar. Olardyń deni sheteldikter. Eger Aqtaý qalasyna baratyn jandar bolsa +7 702 525 31 01 nómirli uıaly telefondy jazyp alyńyz, táýlik boıy kómek usyna alady. Eń bastysy, kimniń týysy ekenińizdi aıtsańyz bolǵany, — dep jaýap berdi Marat Qarabaev Aqtaýda ótken baspasóz máslıhatynda.
Aıta ketsek, aldyn ala aqparat boıynsha, Aqtaý mańyndaǵy ushaq apatynan tiri qalǵan qazaqstandyqtar joq.
Úkimet basshysynyń orynbasary Qanat Bozymbaev Aqtaýǵa baryp ushaq apatynan zardap shekkenderdiń jaǵdaıymen tanysty.
Ókinishke qaraı, elimizdiń kólik mınıstri Marat Qarabaev ushaq bortynda bolǵan barlyq qazaqstandyq mert bolǵanyn habarlady.