Ushaq apatynan zardap shekkenderge 22 jedel járdem kóligi keldi – Vıtse-mınıstr

AQTAÝ. KAZINFORM – QR Densaýlyq saqtaý vıtse-mınıstri Tımýr Muratov Aqtaýda apatqa ushyraǵan jolaýshylardyń qandaı jaraqatpen kelgenin aıtyp berdi.

– Qazir Mańǵystaý oblysynyń medıtsınalyq mekemelerinde 29 adam em alyp jatyr – 27 eresek jáne 2 bala. Olar ártúrli jaraqattarmen tústi, atap aıtqanda: bas, keýde qýysy jáne qursaq qýysynyń jaraqattary, sondaı-aq ártúrli synyqtar bar. Bul azamattarǵa tolyqqandy medıtsınalyq kómek kórsetilýde, - dedi vıtse-mınıstr Aqtaýda ótken baspasóz máslıhatynda.

Sondaı-aq, T. Muratov eshqandaı resýrstardyń, sonyń ishinde qan tapshylyǵy joq ekenin atap ótti.

– Qazirgi ýaqytta sanıtarlyq avıatsııamen kelgen respýblıkalyq deńgeıdegi mamandar jumysqa kirisip ketti, olar naýqastardy qarap, jergilikti áriptesterine qosymsha keńes berip jatyr. Sonymen qatar, barlyq zardap shekkenderdi der kezinde jetkizý jáne evakýatsııalaý uıymdastyryldy, olarǵa 22 jedel járdem brıgadasy jáne 6 Apattar medıtsınasy ortalyǵynyń brıgadasy jumyldyryldy, - dedi T. Muratov.

Buǵan deıin habarlanǵandaı, Úkimet basshysynyń orynbasary Qanat Bozymbaev ushaq apatynyń aldyn ala sebebin aıtý múmkin emes ekenin habarlady.  

Marat Qarabaev ókinishke qaraı ushaq bortynda bolǵan barlyq qazaqstandyq mert bolǵanyn aıtty.