Ushaq apatynan zardap shekken 14 adam arnaıy bortpen eline attanbaqshy

ASTANA.KAZINFORM — Ázerbaıjannan kelgen delegatsııa ushaq apatynan aman qalǵan 14 adamdy alyp, eki bortpen eline oralmaqshy. Bul týraly TJM málimdedi. 

— Oqıǵa ornynda QR TJM, TJM Apattar medıtsınasy ortalyǵynyń, polıtsııa departamentiniń, jergilikti atqarýshy organdardyń jeke quramynan 235 adam, 98 birlik tehnıka, 2 kınologııalyq eseptop jumyldyryldy.  Qaza tapqan 38 adamnyń 10-y anyqtaldy: 3 Qazaqstan azamaty, 3 Reseı jáne 4 Ázerbaıjan azamaty. Denelerdi ıdentıfıkatsııalaý jumystary jalǵasýda. 20 zardap shekken adam emdeý mekemelerinde jatyr. Aýrýhanaǵa jatqyzylǵan barlyq 29 zardap shekken adam anyqtaldy, — delingen habarlamada. 

Eske sala keteıik, búgin Ázerbaıjan Aqtaý mańynda ushaq apatynan qaza tapqandardy aza tutty.