Ushaq apatynan qaza tapqan qazaqstandyqtardyń otbasylaryna qarjylaı kómek kórsetiledi

ASTANA. KAZINFORM — Úkimettik komıssııa shtab otyrysyn ótkizdi, dep habarlaıdy Mańǵystaý oblysynyń ákimdigi.

Premer-mınıstrdiń orynbasary Tótenshe jaǵdaılar, Іshki ister, Densaýlyq saqtaý mınıstrlikteri, Azamattyq avıatsııa komıteti ókilderiniń esepterin tyńdady.

Tótenshe jaǵdaıdy retteý úshin Qazaqstan Úkimeti barlyq qajetti sharalardy qabyldaıdy. Vıtse-premer qutqarý jumystaryn jalǵastyrý, zardap shekkenderge qoldaý kórsetý jáne qaza tapqandardyń otbasylaryna kómek kórsetý boıynsha tapsyrma berdi.

— Ushaq apatynan qaza tapqan qazaqstandyqtardyń otbasylaryna qarjylaı kómek kórsetiledi. Sondaı-aq, Mańǵystaý oblysyna kelgen qaıtys bolǵan sheteldik azamattardyń jaqyndaryna da qajetti kómek beriledi, — delingen habarlamada.

Eske salsaq, buǵan deıin Aqtaýdaǵy áýe apatynan mert bolǵan qazaqstandyqtar anyqtalǵanyn jazdyq.

Sonymen qatar, apatqa ushyraǵan AZAL ushaǵy eki aı buryn tehnıkalyq tekserýden ótkeni aıtyldy.