Bas kólik prokýrory Aqtaýǵa bardy

ASTANA. KAZINFORM – Bas prokýratýra Aqtaý qalasy mańynda Ázerbaıjan áýe kompanııasynyń áýe kemesi apatqa ushyraý faktisi boıynsha Bas prokýratýranyń arnaıy prokýrorlarynyń basshylyǵymen vedomstvoaralyq tergeý-operatıvtik top qurylǵanyn habarlady.

Onyń quramyna Kólik prokýratýrasynyń, ІІM jáne TJM tájirıbeli qyzmetkerleri kirdi.

Oqıǵa ornyna úkimettik komıssııa quramynda eldiń Bas kólik prokýrory bardy.

Qylmystyq is Qazaqstan Respýblıkasy Bas Prokýrorynyń erekshe baqylaýynda.

Aıta keteıik, Aqtaýda Azerbaijan Airlines ushaǵy apatqa ushyrady.

Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.

Apatqa ushyraǵan ushaq bortynda Qazaqstannyń 6 azamaty boldy.

QR Kólik mınıstrligi málim etkendeı, Ázerbaıjan tarapynyń aldyn ala aqparaty boıynsha, bortta 62 jolaýshy men 5 ekıpaj múshesi bolǵan.

Aqtaý mańynda apatqa ushyraǵan ushaq jolaýshylarynyń tizimi jarııalandy.

Aqtaýdaǵy mańyndaǵy ushaq apatqa ushyraǵan oqıǵa ornyna birneshe quqyq qorǵaý organdarynyń ókili jiberildi. Bul týraly Kóliktegi polıtsııa departamentiniń baspasóz qyzmeti habarlady.