Ushaq apatyn zertteıtin komıssııa sarapshylardy kútip otyr

ASTANA. KAZINFORM – Aqtaý mańynda áýe apatynyń sebebin arnaıy komıssııa zerttep, anyqtaıdy.

— Barlyq el basshylyqqa alatyn algorıtm, standarttar bar. Arnaıy komıssııa mán-jaı men barlyq derekke súıene otyryp, qara jáshikter boıynsha sheshim qabyldaıdy, — dedi Kólik mınıstriniń orynbasary Talǵat Lastaev Aqtaýda ótken baspasóz máslıhatynda. 

Vıtse-mınıstrdiń aıtýynsha, qazir komıssııa jınaqtaldy, endi sarapshylardy kútip otyr. 

— Qazir barlyq fragment jınalyp, tizbektelip jatyr. Sarapshylar erteń keledi, óndirýshi el-Brazılııa, tasymaldaýshynyń ózi erteń keledi. Barlyǵy jınalǵan kezde sheshim qabyldaıdy. Algorıtm sondaı, — dep tolyqtyrdy mınıstrdiń orynbasary.

Buǵan deıin Reseı men Ázerbaıjan ushaq apatyn zertteıtin krımınalıstıkalyq tergeýge jiberilmeıtinin habarlaǵan edik. 

Brıfıng barysynda Úkimet basshysynyń orynbasary Qanat Bozymbaev Aqtaý mańyndaǵy ushaq apatynyń sebebine qatysty túsinik berdi. 

Aıta keteıik, Aqtaý mańyndaǵy ushaq qulaǵan jerden taǵy bir qara jáshik tabyldy. 

Sondaı-aq Aqtaý mańyndaǵy ushaq apatynan qaıtys bolǵan qazaqstandyqtardyń otbasyna memlekettik qarjylaı qoldaý kórsetiletini belgili boldy. 

Odan bólek, ushaq apatynan zardap shekkenderdiń qazirgi jaǵdaıy aıtyldy.