Ushaq apatyn tergeý Qazaqstan quzyretinde bolady — Qanat Bozymbaev

AQTAÝ. KAZINFORM — Úkimet basshysynyń orynbasary Qanat Bozymbaev Aqtaý mańyndaǵy áýe apatyn tergeý jumystary Qazaqstan ıýrısdıktsııasynda ekenin jáne Bas prokýrordyń qatań baqylaýynda bolatynyn aıtty.

— Barlyq tergeý Qazaqstan Respýblıkasynyń ıýrısdıktsııasynda bolady. Áýe apaty Qazaqstan Respýblıkasynda boldy, barlyq tergeý Bas Prokýrordyń qatań baqylaýynda. Bul týraly Memleket Basshysy tıisti tapsyrmalar berdi, — dedi Q. Bozymbaev Aqtaý qalasynda ótken baspasóz máslıhatynda.

Qazirgi ýaqytta tergeý QR Qylmystyq kodeksiniń 344-babynyń 3-bóligi — «Kólik quraldaryn paıdalaný qaýipsizdigi erejelerin buzý, adamdardyń ólimine ákelý» baby boıynsha júrgizilýde.
Oqıǵa ornynda tergeýshiler, krımınalıster jáne avıatsııa salasynyń mamandary jumys istep jatyr. Kýágerlerden jaýap alynyp, qajetti saraptamalar taǵaıyndalýda.

— Jedel-tergeý toby tarapynan qajetti is-sharalar júrgizilýde. Birinshiden, oqıǵa ornyn qorǵaý qamtamasyz etildi, barlyq qajetti saraptamalar taǵaıyndaldy. Qazir ishki ister organdarynyń qyzmetkerleri jumys istep jatyr, — deıdi Іshki ister vıtse-mınıstri Sanjar Ádilov.

Eske salsaq, buǵan deıin apatqa ushyraǵan AZAL ushaǵy eki aı buryn tehnıkalyq tekserýden ótkeni málim boldy.