Ushaq apaty: QazAqparat tilshisi oqıǵa ornyna bardy
QazAqparattyń Qaraǵandy oblysyndaǵy menshikti tilshisi eki adamnyń ólimine ákep soqqan ushaq apatynyń ornyna bardy.
Málimetinshe, áýe kemesi qulaǵan jerge ne kólik, ne jeke adamnyń jaqyndaýyna polıtsııa ruqsat bermeı jatyr. Sol sebepti qandaı da bir aqparat alý múmkin emes.
Oqıǵa ornynda shuǵyl qyzmetter – órt sóndirýshiler, polıtseıler men jedel járdem brıgadasy júr. Sondaı-aq tikushaqty kórýge bolady.
Eske salaıyq, ushaq apaty búgin tańerteń boldy. Qaraǵandy oblysynyń Balapan alańynda oqý-jattyǵý jasap júrgen P2002 úlgisindegi UPLA286 ushaǵymen ushyp shyqqan ýaqyty 07.46-dan keıin baılanys úzilgen. Áýe kemesi jergilikti ýaqytpen saǵat 08.44-te Qaraǵandy oblysynyń Doskeı aýylynan 5 km jerde qulady.
Іzdestirý jumystary barysynda qıraǵan ushaq pen eki adamnyń denesi tabyldy.
Ushaq «Avıatsııalyq oqý-jattyǵý ortalyǵy» JShS-ǵa tıesili. Kompanııa 2022 jylǵy 25 qarashada «Qazaqstannyń avıatsııalyq ákimshiligi» AQ bergen sertıfıkat negizinde avıatsııalyq personaldy kásibı daıarlaý jónindegi qyzmetti júzege asyryp keledi.
«Kólik mınıstrliginiń oqıǵalardy tergeý departamenti atalǵan fakti boıynsha tergeýdi bastady», - degen edi Azamattyq avıatsııa komıtetinen.
Keıinen Azamattyq avıatsııa komıteti mert bolǵandardyń aty-jónin jarııalap, atqarylyp jatqan shuǵyl sharalar jóninde málimet usyndy.
