Ushaq apaty. Aldaǵy kúnderi Astanaǵa «qara jáshikten» alynǵan materıaldar jetkiziledi

ASTANA. KAZINFORM — Elge jetkizilgennen keıin sarapshylar borttyq ózdiginen jazǵyshtardan alynǵan derekterdi dereý zerdeleýge kirisedi, dep habarlaıdy Kólik mınıstrligi.

— Aldaǵy kúnderi Astanaǵa avıatsııalyq oqıǵany tergeý jónindegi komıssııa músheleriniń borttyq ózdiginen jazǵyshtardan (qara jáshikterden) alynǵan materıaldarmen kelýi kútilýde. Kelgen soń sarapshylar borttyq ózdiginen jazǵyshtardan alynǵan derekterdi dereý zerdeleýge kirisedi, — delingen mınıstrlik taratqan aqparatta.

Eske salsaq, 25 jeltoqsanda Aqtaýda Azerbaijan Airlines ushaǵy apatqa ushyrady.

Ushaq bortynda 67 adam, onyń ishinde bes ekıpaj múshesi bolǵan. Oqıǵa saldarynan 38 jolaýshy qaza tapty. Ókinishke qaraı, mert bolǵan jandardyń arasynda 6 Qazaqstan azamaty bolǵan.

Buǵan deıin Aqtaý túbindegi ushaq apatynyń sebepteri qashan naqty aıtylatyny belgili bolǵan edi.

30 jeltoqsanda Qazaqstan borttaǵy ózdiginen jazǵysh quraldardy Brazılııaǵa jibergenin jazdyq.

Osyǵan deıin «qara jáshiktiń» Brazılııaǵa nelikten jiberiletindigi týraly sarapshylardyń pikirin bergen edik.

Sondaı-aq, «qara jáshikti» oqýǵa neshe kún ketetini týraly avıatsııa ınjeneriniń jaýabyn jarııaladyq.

Budan bólek, Aqtaý túbinde qulaǵan ázerbaıjandyq ushaqtyń eksklıýzıvti sýretteri jarııalandy.

Buǵan deıin Brazılııanyń avıatsııalyq oqıǵalardy tergeý jáne aldyn alý ortalyǵy Azerbaijan Airlines (AZAL) kompanııasy ushaǵynyń ózdiginen jazǵysh quraldaryn (qara jáshikter) zertteýdi aıaqtaǵany habarlandy.