Ushaq apaty: Aqtaýǵa dárigerler jiberiledi

ASTANA. KAZINFORM – Densaýlyq saqtaý mınıstri Aqmaral Álnazarova Aqtaýda apatqa ushyraǵan ushaq jolaýshylaryna medıtsınalyq kómek berý jumystaryna qatysty túsinik berdi.

- Oqıǵa ornyna 14 jedel járdem brıgadasy shyǵyp, respýblıkalyq shtab quryldy. Sol jerge vıtse-mınıstr ketti. Qazir biz sanıtarlyq avıatsııanyń borttaryn daıyndadyq, ol jerge mamandardy, travmatologtardy, neırohırýrgterdi jáne basqa da dárigerlerdi jiberemiz. Sol jerde medıtsınalyq kómek beriledi, sondaı-aq qajet bolǵan jaǵdaıda olardy tasymaldaımyz. Tıisti jumystar atqarylyp jatyr, - dedi A. Álnazarova Parlament Májilisindegi tilshiler suraǵyna jaýap bere otyryp.

Budan buryn habarlanǵandaı, Aqtaýda Azerbaijan Airlines ushaǵy apatqa ushyrady.

Oqıǵa ornyna QR Tótenshe jaǵdaılar mınıstrligi jeke quramynyń 52 adamy men 11 birlik tehnıkasy bardy.