Úsh jyldyq úzilisten keıin «Mysyr arýy» baıqaýy ótedi

Baıqaý Sharm-el-Sheıh kýrorttyq qalasynda ótedi. 18 úmitkerdi toǵyz adamnan quralǵan qazylar alqasy baǵalaıdy. Onyń ishinde burynǵy «Mysyr arýy» Donııa Hamed pen mysyrlyq modeler Hanı ál -Beheırı bar.

Uıymdastyrý komıtetiniń tóraǵasy Karım Hýseın 2011 jyly kóterilisten keıin baıqaýdy ótkizýdi toqtatýǵa májbúr bolǵanyn aıtty. Onymen qosa «Aǵaıyndy musylmandar» dinı uıymy mundaı shoýlardy quptamaǵan.

Baıqaýdyń bas uıymdastyrýshysy jáne qazylar alqasynyń tóraǵasy ıÝsed Spahı sulýlarǵa qoıylatyn talaptar kúsheıtiletinin aıtty. Onyń sózine qaraǵanda, qyzdardyń syrtqy sulýlyǵymen birge, olardyń bilimi, Mysyr mádenıeti men murasyn bilý deńgeıi de baǵalanady. Jeńimpaz birneshe tildi bilýi tıis, deıdi uıymdastyrýshylar.

Baıqaý jeńimpazy «Álem arýy», «Jer arýy» jáne «Jer júziniń arýy» baıqaýlarynda el namysyn qorǵaıdy. Sonymen qatar oǵan qundy syılyqtar, onyń ishinde avtomobıl men zergerlik buıymdar tartý etiledi.