Úsh jyldyq bıýdjet parametrleriniń boljamy qandaı

ASTANA. QazAqparat - 2019-2021 jyldarǵa arnalǵan bıýdjet parametrleriniń boljamy qaıta qaraldy. Onyń derekterin búgin Úkimettiń selektorlyq rejımdegi otyrysynda QR Ulttyq ekonomıka mınıstri Tımýr Súleımenov jarııa etti, dep habarlaıdy QazAqparat tilshisi.

«Makroekonomıkalyq túzetilgen boljam negizinde 2019-2021 jyldarǵa arnalǵan bıýdjet parametrleriniń boljamy qaıta qaraldy. Respýblıkalyq bıýdjet kirisi 2019 jyly 6 trln 786  mıllıard teńge, 2020 jyly -7 trln 360 mıllıard teńge, 2021 jyly -7 trln 998 mıllıard tenge kóleminde boljanýda», - dedi mınıstr.

Onyń aıtýynsha, respýblıkalyq bıýdjet shyǵystarynyń boljamy 2019 jyly 10 trln 727 mıllıard teńge, 2020 jyly - 11 trln 59 mıllıard teńge, 2021 jyly - 11 trln 402 mıllıard teńge kóleminde aıqyndaldy.

«2019 jyly bıýdjet tapshylyǵyn 2018 jyldyń deńgeıinde jalpy ishki ónimge qaraǵanda 1,5 paıyz josparlanǵan, al 2020 jyly - 1,4  jáne 2021 jyly - 1,3 paıyzǵadeıin tómendeıdi. Munaı emes tapshylyq 2019 jyly jalpy ishki ónimge qaraǵanda 6,9paıyzdan 2021 jyly 5,3paıyzǵa deıin qysqarady. Bul Ulttyq qordyń tujyrymdamasymen belgilengen nysanaly kórsetkishten aspaıdy», - dedi ol.

Tımýr Súleımenovtiń dereginshe, Ulttyq qordyń valıýtalyq aktıvteri 2019 jyly 63 mıllıard AQSh dollarynnan 2021 jyly 67,4  mıllıard AQSh dollaryna deıin ulǵaıady.