Úsh jyldan soń elimizdiń aýyl sharýashylyǵyndaǵy 90 mln. gektar jerdiń keshendi, jan-jaqty baǵasy belgili bolady
ASTANA. 14 naýryz. QazAqparat - Úsh jyldan soń elimizdiń aýyl sharýashylyǵyndaǵy jerlerdiń 90 mıllıon gektaryna keshendi, jan-jaqty baǵa beriledi.
Bul týraly búgin jer zańnamalaryn odan ári jetildirý máselesine baılanysty Senat depýtattarymen bolǵan kezdesýden soń jýrnalısterge bergen suhbatta Jer resýrstaryn basqarý agenttiginiń tóraǵasy Qadyrhan Otarov málim etti.
Onyń aıtýynsha, Jer resýrstaryn basqarý agenttigi ótken jyly Memleket basshysynyń tapsyrmasymen aýyl sharýashylyǵyna arnalǵan jerlerge tekserý (revızııa) júrgizdi. «Bıyl Memleket basshysynyń tapsyrmasymen aýyl sharýashylyǵyndaǵy jerlerge taǵy da keshendi baǵa berýimiz kerek. ıAǵnı biz ol jerlerdi ınventarızatsııalaımyz. Bul baǵyttaǵy jumystarǵa jerdiń ıgerilip nemese ıgerilmegendigi ǵana emes, onyń qandaı maqsatqa, qalaı paıdalanylyp otyrǵandyǵy, jerdiń sapasy qandaı jaǵdaıda degen sııaqty máselelerdiń barlyǵyn qamtıtyn bolamyz. Mundaı jumystar osyǵan deıin elde iske asyrylǵan emes»,-dedi Agenttik tóraǵasy.
Onyń málimetterinshe, agenttik ókilderi tek bıylǵy jyldyń ózinde
30 myń gektar aýyl sharýashylyǵy jerlerine keshendi baǵa beretin bolady. «Bul óte úlken aımaq, al olar boıynsha atqarylatyn sharalar odan da kólemdi ári kúrdeli. Kelesi jyly taǵy 30 gektarǵa jýyq jer baǵasyn alady. Osylaısha aldaǵy 3 jylda 90 gektar aýyl sharýashylyǵyndaǵy jerlerge keshendi, jan-jaqty baǵa beriledi»,-dedi Q.Otarov.
