Úsh jyldan keıin úıine oralǵan azamat qabirine gúl qoıyp jatqan áke-sheshesiniń ústinen shyqty
ASTANA. 27 qarasha. QazAqparat - Sedlıska qalasynyń turǵyny, ulty polıak ıAroslav Karolınskı uzaq ýaqyttan keıin úıine kelse, áke-sheshesi onyń qabirine gúl shoqtaryn qoıyp jatyr eken.
Mundaı keleńsiz jaǵdaıdyń oryn alýyna er adamnyń ózi kináli bolyp shyqty. Úsh jyl boıy habar-osharsyz ketken ol otbasymen baılanysty úzgen eken.
2010 jyly 35 jastaǵy (sol kezde) Karolınskı ógeı ákesiniń úıinen aıtýynsha, «óziniń ornyn» tabýǵa ketken. Osy kezge deıin uldarynan esh derek bolmaǵan soń ata-anasy ólgen jandardyń qataryna qosyp ta qoıǵan.
Olar qatelesip Ýkraına shekarasyna jaqyn jerden polıtsııa qyzmetkerleri tapqan máıitti ózderiniń uldary dep eseptep, jerlegen. Al balasyn tiri kórgen sheshesi talyp qalǵan.
Qazir bılik ókilderi polıak otbasynyń kimdi jerlegenin anyqtap jatyr.
