Úsh jyldan keıin aqyly joldardan ár jylda 30 mlrd. teńgeden qarjy túsedi

ASTANA. QazAqparat - QR Investıtsııalar jáne damý mınıstrligi aqyly joldardyń kontseptsııasyn tolyǵymen oryndaı alsa, úsh jyldan keıin ol joldarmen júretin kólikterden jyl saıyn 30 mlrd. teńge jınap otyrýǵa múmkindik bar, dep xabarlaıdy QazAqparat tilshisi.

Avtomobıl joldary komıtetiniń tóraǵasy Mereke Pishembaevtyń aıtýynsha, aldaǵy ýaqytta 7 000 shaqyrym jolda aqyly júıe engiziledi. Bıyl atalǵan júıeni Astana-Temirtaý, Almaty - Qapshaǵaı men Almaty - Qorǵasta engizý josparlanyp otyr. "Osy joldarda aqyly júıeni engizýdiń arqasynda jyl saıyn 4 mlrd teńge túsedi degen jospar bar. Qazirgi kezde basqa 13 ýchaskede aqyly júıe boıynsha jobalyq-smetalyq qujattardy daıarlaý jumysy bastaldy. 2018 jyly 14,5 myń shaqyrym jolda, al 2019 jyly taǵy bir myń shaqyrymda aqyly júıeni engizýdi josparlap otyrmyz. Sóıtip, 2020 jyldan bastap aqyly joldardan jyl saıyn 30 mlrd. teńgeni jınaımyz dep oılaımyz. Ol aqsha aqyly joldardy jóndeýge jáne taǵy basqa jumystarǵa tolyǵymen jetedi", - deıdi Pishembaev.

Aıta keteıik, búgin Astanada ótken baspasóz máslıxatynda komıtet basshysy taǵy 11 jolda qurylys jumystarynyń bastalatynyn málimdedi.