Úsh jylda jumyspen qamtý baǵdarlamasyna 210 myń adam tartyldy
Bul týraly búgin Májilistegi Úkimet saǵatynda Eńbek jáne halyqty áleýmettik qorǵaý mınıstri Serik Ábdenov málim etti.
Mınıstrdiń aıtýynsha, baǵdarlama júzege asyp jatqan bir jarym jyl ishinde eńbek naryǵyndaǵy ahýalǵa qaraı jurtty jumyspen qamtamasyz etýdiń tásilderi men tetikteri ekshelgen, jetistikteri men kemshilikteri saralanǵan. «Bastysy baǵdarlamaǵa kimderdiń qatysýy qajettigin, azamattardyń qaı sanatyna kómek kórsetý kerektigin aıqyndap aldyq. Onyń ishinde 125 myń jumyssyz (66,3 paıyz) 52 myńǵa tarta ózin ózi jumyspen qamtyǵandar (27,9 paıyz) 11 myńǵa jýyq áleýeti tómen otbasylar (5,6 paıyz) qurady. 2011-2013 jyldary respýblıkalyq bıýdjetten 169 mlrd. teńge bólinip, osy aralyqta 189 myń adam belsendi sharalarǵa qatysty, áleýmettik kelisimsharttarǵa qol qoıdy. Jalpy baǵdarlamamen otbasy múshelerin qosa eseptegende 210 myń adam qamtyldy», deıdi mınıstr.
Onyń aıtýynsha, baǵdarlamaǵa qatysýshylardyń ishinde 29 jasqa deıingi jastardyń úlesi 58 paıyzdy nemese 109 myń adamdy, al áıelderdiń úlesi 49 paıyzdy nemese 93 myń adamdy qurap otyr.