Úsh jylda stýdentter arasynda 100 myń aýdıtorııa tapshylyǵy bolýy múmkin

ASTANA. QazAqparat – Qazaqstanda 626 myń stýdent bilim alyp júr. Bul týraly QR Ǵylym jáne joǵary bilim mınıstri Saıasat Nurbek aıtyp berdi, dep habarlaıdy QazAqparat tilshisi.

«Bizdiń saladaǵy kórsetkishter asa ózgere qoıǵan joq. Qazir elimizde 119 ýnıversıtet jáne 626 myń stýdent bar. Oǵan qosa, barlyq esepte demografııa týraly jıi aıtylady, boljam boıynsha 2025 jylǵa qaraı bizde 800 myń stýdent bolady», - dedi Saıasat Nurbek elordada ótip jatqan tuńǵysh joǵary bilim jáne ǵylym forýmynda.

Mınıstrdiń aıtýynsha, bul aýdıtorııa men jataqhanadaǵy tósek-oryn jetispeýshiligin únemi týdyryp otyrady.

«Bul áńgime toqtamaıdy jáne jumysymyzdyń basymdyqtarynyń biri bolyp qala beredi. 2026 jylǵa qaraı 100 myń aýdıtorııa tapshylyǵy bolady dep boljap otyrmyz. Jataqhanalar boıynsha – qazirgi ýaqytta 19 myńǵa jýyq tósek-oryn tapshylyǵy bar», - dedi Ǵylym mınıstri.

Aıta keteıik, Astanada tuńǵysh ret joǵary bilim jáne ǵylym forýmy ótip jatyr.

Forýmnyń taqyryby eldiń ekonomıkalyq ósýiniń negizi retinde adamı kapıtaldy damytýǵa arnalǵan.