Úsh jylda munaı urlaýmen aınalysqan 54 qylmystyq toptyń joly kesildi
ASTANA. 24 qarasha. QazAqparat /Rýslan Ǵabbasov/ - 2007-2010 jyldar aralyǵynda «Semser Security» JShS óz kúshimen jáne quqyq qorǵaý organdarymen birlese otyryp,
qubyrdan munaıdy zańsyz urlaýmen aınalysqan 54 qylmystyq toptyń jolyn kesti. Osyǵan baılanysty 150 adam ustalǵan.
«Semser Security» JShS bas dırektorynyń orynbasary Amangeldi Qurmanǵalıevtiń sózine qaraǵanda, bıyl munaı zańsyz tasymaldanǵan 80-nen astam kólik anyqtaldy. Bul kólikterdegi munaı syıymdylyǵy 30-40 tonnaǵa jetedi. «2005 jyldan beri munaıdy qubyrdan zańsyz tasymaldaıtyn kólikter sany artyp otyr», - dedi ol
Atap aıtqanda, osy baǵytta qylmys jasaıtyn azamattardyń barlyǵy sońǵy býyndy baılanys tehnıkalarymen jáne basqa da jańa úlgidegi quraldarymen jabdyqtalǵan. Sondyqtan olardy quryqtaý sharalary kóbinese qıynǵa túsetin kórinedi.
«Olar negizgi qubyrǵa ózderiniń jelisin qosýǵa kelgende kásibı dánekerleýshilerdi jaldaıdy. ıAǵnı, bul dánekerleýshiler 40 mınýttyń ishinde ózderiniń qondyrǵylaryn ornatyp úlgeredi»,- dedi A. Qurmanǵalıev. Al óz kezeginde magıstraldi qubyrdaǵy atalǵan zańsyz qosylǵan kóldeneń qubyrlardyń saldaryn joıýǵa 2 kúnge deıin ýaqyt ketedi eken.
«Jańa zańda qarastyrylǵan baptar bul saladaǵy qylmysqa tosqaýyl qoıýǵa múmkindik beredi degen oıdamyz»,- dep túıindedi sózin A. Qurmanǵalıev. Aıta keteıik, bıylǵy 16 qazanda «Munaı jáne munaı ónimderiniń jeke túrleri aınalymy salasynda jaýapkershilikti kúsheıtý jóninde keıbir zańnamalyq aktilerge ózgerister men tolyqtyrýlar engizý týraly» Zań qoldanysqa engizildi.
21 qarashada Qaraǵandy oblysynda Ulttyq qaýipsizdigi komıtetiniń qatysýymen munaı urlyǵyna qatysty 4 adam ustaldy jáne munaı tasýǵa arnalǵan 4 kólik tárkilendi. «Olardy quryqtaý kezinde atys qarýyn qoldaný faktisi tirkelip otyr. Aldyn ala kelip túsken málimetterge qaraǵanda, bir adam jaralanǵan»,-dedi dırektordyń orynbasary.
Al Shymkentte qubyrdyń janynan janar-jaǵarmaı quıý stansysy salynǵan. Bul stansydan arnaıy tartylǵan qubyr «QazmunaıGaz» qubyryna qosylǵan. Osy múmkindikti paıdalanyp, atalmysh stansy arqyly munaı zańsyz tasymaldanyp otyrǵan. «Bul qylmys bıylǵy qyrkúıek aıynda anyqtaldy. Sondaı-aq dál osyndaı janar-jaǵarmaı quıý stansysy Saıramda belgili boldy. Oǵan qatysy bar azamattar ustaldy»,- dedi A. Qurmanǵalıev.
Sonymen qatar taıaýda munaıdy qubyrdan zańsyz tasymaldaýǵa qatysty oqıǵa Aqtóbe oblysynda da anyqtaldy. «Qazirgi kezde osyǵan baılanysty is tergelip jatyr»,-dedi ol.
«Bular uıymdasqan qylmys sanatynda bolǵandyqtan, sondyqtan jańa zańǵa sáıkes jaýapqa tartý mezimi 10 jylǵa deıin qarastyrylǵan»,- dep atap ótti dırektordyń orynbasary.
