Úsh jylda Qazaqstanda 2 myńnan astam kólik zańsyz tirkelgen

NUR-SULTAN. QazAqparat – Shet elden ákelingen kólikterdi Qazaqstanda zańsyz esepke qoıý boıynsha qylmystyq ister tergelip jatyr. Bul týraly QR Іshki ister mınıstrliginiń ókili Shuǵyla Turlybek vedomstvonyń onlaın brıfıngisinde aıtty, dep habarlaıdy QazAqparat tilshisi.

«Qazirgi ýaqytta QR ІІM Ózindik qaýipsizdik departamenti elimizdiń 7 óńirinde jaqyn shet elderden ákelingen kólikterdi Qazaqstan Respýblıkasynda zańsyz esepke qoıý boıynsha qylmystyq isterdi tergep jatyr», - dedi Sh. Turlybek.

Vedomstvoda atap ótkendeı, sońǵy úsh jylda 2 myńnan astam kólik zańsyz tirkelgen. Memleketke keltirilgen shyǵyn 10 mlrd teńgeden asty.

Budan buryn habarlanǵandaı, shetelden ákelingen kólikterdi Qazaqstan Respýblıkasynda tirkeýge zańsyz qoıyp kelgen qylmystyq top áshkerelendi. Olardyń ishinde Polıtsııa departamentiniń 2 qyzmetkeri bar.