Úsh jylda elimizdegi orman qory 700 myń gektarǵa jýyq ulǵaıdy - mınıstrlik

ASTANA. QazAqparat – Keıingi úsh jylda Qazaqstandaǵy orman qory 697 myń gektarǵa ulǵaıdy. Bul týraly Úkimet qaýlysymen bekitilgen «Azamattyq qorǵaý salasyndaǵy 2023-2027 jyldarǵa arnalǵan birinshi kezektegi sharalardyń keshendi josparynda» jazylǵan, dep habarlaıdy QazAqparat tilshisi.

«Taldaý kórsetkendeı, tabıǵı sıpattaǵy tótenshe jaǵdaılar sanynyń ósti. Máselen qaýipti gıdrometeorologııalyq jáne geologııalyq qubylystar 2019 jyly - 45, 2020 jyly - 104, 2021jyly – 130. Al elde bolǵan tabıǵı órtter 2019 jyly - 700, 2020 jyly - 831, 2021 jyly - 870.

Eldiń orman qory ósýde. Ol 2019-2022 jyldar aralyǵynda 12 mln 938 myń gektardan 13 mln 635 myń gektarǵa deıin ulǵaıdy. Bul rette ótken jyly respýblıka boıynsha orman órtteriniń sany 50 jaǵdaıǵa ulǵaıdy. Atap aıtqanda 2021 jyly 751 bolsa, byltyr 801 jaǵdaı tirkeldi», - delingen keshendi josparda.

Buryn habarlaǵanymyzdaı, azamattyq qorǵaý organdarynyń qyzmetkerleri men TJM áskerı qyzmetshileriniń áleýmettik jaǵdaıyn jaqsartý jáne materıaldyq bazany jańartýǵa baǵyttalǵan 5 jyldyq keshendi jospar bekitildi.