Úsh jylda 48 jańartylatyn energııa nysany salynady

ASTANA. QazAqparat – Energetıka mınıstrligi aldaǵy úsh jylda 48 jańartylatyn energııa nysanyn salýdy josparlap otyr, dep habarlaıdy QazAqparat tilshisi.

Bul týraly vedomstvo basshysy Úkimet otyrysynda aıtty.

Energetıka mınıstrligi elektr energııasyna degen ortamerzimdi qajettilikti jabý úshin generatsııa sektoryndaǵy birqatar jobalardy pysyqtap jatyr.

«Búgingi tańda Qazaqstan Respýblıkasynda jıyntyq qýaty shamamen 2300 MVt bolatyn 140-tan astam JEK obektisi jumys isteıdi. Elektr energııasyn jalpy óndirýdegi jańartylatynenergııa kózderiniń úlesi 3,7% bolady. JEK sektoryna tartylǵan ınvestıtsııanyń jalpy kólemi 1 trln teńgeden astam. Bıyl JEK-ten alynǵan elektr energııasynyń kólemi 4,5 mlrd kVt/saǵ nemese óndiristiń jalpy kóleminiń 4% kóleminde boljanady. Bul rette qarjy-esep aıyrysý ortalyǵy qol qoıǵan sharttar sheńberinde 3 jyl ishinde jıyntyq qýaty 850 MVt-tan asatyn 48 JEK obektisin qosymsha engizý josparlanýda», - dedi Energetıka mınıstri.