Úsh jyl burynǵy ushaq apaty: Almaty oblysynda birneshe sheneýnik sottaldy
Іs materıaldaryna sáıkes, 2017-2019 jyldary sottalýshylar Qyzyltý aýylynan tys jerdegi memleket menshigindegi bos jerlerdi ıelikten zańsyz shyǵarǵan.
Sheneýnikter bul áreketi arqyly jeke bas baılyǵyn kózdegen.
Talǵar aýdany sotynyń 2022 jylǵy 10 maýsymdaǵy úkimimen:
- Talǵar aýdany ákimdigi sáýlet jáne qala qurylysy bóliminiń burynǵy bastyǵy Marat Ryspekov 6 jylǵa;
- Talǵar aýdany ákimdigi jer qatynastary bóliminiń burynǵy bastyǵy Maqsat Tynybaı 6 jyl 3 aıǵa;
- Panfılov aýyldyq okrýginiń burynǵy ákimi Nurǵalı Appazov 8 jylǵa;
- Panfılov aýyldyq okrýgi ákiminiń burynǵy orynbasary Qurmanhan Galıeva 5 jylǵa bas bostandyǵynan aıyryldy.
Al Talǵar aýdany ákimdigi jer qatynastary bólimi bastyǵynyń mindetin atqarǵan Madııar Qadyrjan Táýelsizdiktiń 30 jyldyǵyna oraı jarııalanǵan raqymshylyq aıasynda bas bostandyǵynan aıyrý túrindegi negizgi jazadan bosatyldy.
Barlyq sottalǵandar endi memlekettik qyzmette jumys isteı almaıdy.
Eske sala keteıik, 2019 jyldyń 27 jeltoqsanynda Almatydan Nur-Sultan qalasyna ushyp shyqqan 93 jolaýshy jáne 5 ekıpaj múshesi mingen ushaq apatqa ushyraǵan bolatyn.
Bek Air áýe kompanııasynyń ushaǵy beton dýalǵa qulap, Almaty mańyndaǵy jeke úıdi qaǵyp ketken.
Ushaq apatynan 12 adam qaıtys boldy, 69 adam jaraqat aldy.
Áýe kemesiniń komandıri 57 jastaǵy Marat Muratbaev oqıǵa ornynda qaza boldy.
Al ekinshi ushqysh Mırjan Moldaqulov aýyr jaraqat aldy, onyń omyrtqasyna kúrdeli ota jasalǵan edi.
Keıin Almaty áýejaıy apatqa ushyraǵan «Bek Air» ushaǵynyń sońǵy sátteriniń hronologııasyn jarııalady.
2020 jyly Almaty oblysy boıynsha Sybaılas jemqorlyqqa qarsy qyzmet qylmystyq isti tergeýmen qatar Talǵar aýdany ákimdiginiń sheneýnikterine qatysty jer ýchaskelerin zańsyz berýge jáne jer ýchaskeleriniń nysanaly maqsatyn zańsyz ózgertýge baılanysty ekinshi qylmystyq is ashty.
