Úsh jyl buryn joǵalyp ketken qaraǵandylyq Almaty oblysynan tabyldy
TALDYQORǴAN. QazAqparat - Almaty oblysynda óńir polıtsııasynyń kúshimen 2015 jyldan beri iz-túzsiz joǵalyp ketken 44 jastaǵy er azamat tabyldy, dep habarlaıdy QazAqparat.
Qaraǵandylyq tártip saqshylary joǵalǵan azamatty sheshesi úsh jyl buryn aryz bergennen keıin izdeı bastaǵan. Sóıtip, joǵalǵan azamat Ekibekshiqazaq aýdanynan tabyldy.
«Er azamat jeke kýáligin aýystyrý kezinde ustaldy. Málim bolǵanyndaı, ol úıinen týǵandarymen janjaldasyp qalǵan soń ketip tynǵan. Osy ýaqytqa deıin ol Almaty men qala mańyndaǵy jerlerde kezdeısoq jumys istep nápaqa taýyp júrgen. Qazir ol óziniń tanystarynyń biriniń otbasynda Aqbastaý aýylynda turyp jatyr»,-dedi oblystyq ІІD-giler.
Er azamat úıine qaıtýdan bas tartty, alaıda jedel habar onyń úıine, anasy men Qaraǵandy polıtseılerine jiberildi.
