Úsh jyl buryn joǵalǵan atyraýlyq Qapshaǵaıdaǵy kazınodan tabyldy
TALDYQORǴAN. QazAqparat - Almaty oblysynyń polıtsııasy úsh jyl buryn iz-tússiz joǵalǵan 25 jastaǵy jigitti tapty. Іshki ister departamentiniń málimeti boıynsha ol Qapshaǵaı qaalsynda jergilikti oıynhanalardyń birinde aspaz bolyp jumys istep kelgen, dep habarlaıdy QazAqparat tilshisi.
Oblystyq ІІD baspasóz qyzmetiniń málimetine qaraǵanda, jas jigit úsh jyldan beri izdeýde júrgen. Atyraý oblysynyń polıtsııasyna onyń anasy 2015 jyly ulynyń joǵalǵany týraly aryz qaldyrǵan eken.
«Anyqtalǵanyndaı, 2014 jyldyń sońyna taman jas jigit týystarymen janjaldasyp, úıinen ketip qalǵan. Óz betinshe ómir súrmek bolǵan ol osy ýaqytqa deıin Almaty qalasynda turyp, týystarymen baılanysyn úzip, esh habar bermegen. Osydan úsh-tórt aı buryn ǵana ol Qapshaǵaı qalasyndaǵy oıynhanalardyń birine aspaz bolyp ornalasqan. Jigittiń tabylǵany týraly aqparat Atyraý oblysyna jiberildi», - deıdi ІІD baspasóz qyzmeti.
Aıta keterligi, jalpy óńirlik tártip saqshylary jyl basynan beri iz-tússiz joǵalyp ketken 200-ge tarta adamdy tapqan.
