Úsh jyldyń ishinde elimizde 633 densaýlyq saqtaý nysany boı kóterdi

ASTANA. KAZINFORM — «Aýyldyq densaýlyq saqtaýdy jańǵyrtý» ulttyq jobasy sheńberinde josparlanǵan 655 nysannyń 508-i aıaqtaldy, dep habarlaıdy DSM baspasóz qyzmeti.

Densaýlyq saqtaý mınıstrligi ınfraqurylymdy jańǵyrtý boıynsha belsendi jumys júrgizip jatyr. Vedomstvo derekterine sáıkes, sońǵy úsh jyldyń ishinde 633 densaýlyq saqtaý nysany salyndy. Olardyń qatarynda Ulttyq ǵylymı onkologııa ortalyǵy, Astanadaǵy Ulttyq shuǵyl medıtsınany úılestirý ortalyǵyn jáne Almatydaǵy Ulttyq ınfektsııalyq aýrýlar ǵylymı ortalyǵyn qosa alǵanda, iri nysandar bar. 

«Aýyldyq densaýlyq saqtaýdy jańǵyrtý» ulttyq jobasy sheńberinde josparlanǵan 655 nysannyń 508-i aıaqtaldy.

— Bıylǵy jyldyń 5 aıynda DSM 104,6 mlrd teńge ınvestıtsııa tartty, onyń ishinde 40 mlrd teńge — jeke ınvestıtsııa. Bul 2024 jyldyń sáıkes kezeńimen salystyrǵanda 12%-ǵa artyq, bul Qazaqstannyń densaýlyq saqtaý júıesin odan ári damytý úshin qarajat tabysty tartylǵanyn aıǵaqtaıdy, — delingen mınıstrlik habarlamasynda.

Osyǵan deıin Qazaqstanda qyzylsha men kókjótelge shaldyǵý kórsetkishteri 6,8 ese tómendegenin jazdyq.