Úsh jylda bıýdjet tapshylyǵy qalaı ózgeredi
ASTANA. KAZINFORM — Keler jyly respýblıkalyq bıýdjet tapshylyǵy jalpy ishki ónimge shaqqanda 2,3 paıyz bolýy múmkin. Bul týraly Quryltaıda 2027–2029 jyldarǵa arnalǵan áleýmettik-ekonomıkalyq damý boljamyn tanystyrý kezinde Ulttyq ekonomıka birinshi vıtse-mınıstri Azamat Ámrın aıtty.
- Respýblıkalyq bıýdjet tapshylyǵy 2027 jyly jalpy ishki ónimge qatysty 2,3 paıyz deńgeıinde aıqyndalyp, 2028 jyly 1 paıyzǵa jáne 2029 jyly 0,4 paıyzǵa deıin kezeń-kezeńimen tómendeıdi. Munaıǵa qatysty emes tapshylyq 2027 jyly jalpy ishki ónimge qatysty 5,3 paıyzdan 2028 jyly 3,5 paıyzǵa jáne 2029 jyly 2,5 paıyzǵa deıin qysqarady, - dedi A. Ámrın.
Respýblıkalyq bıýdjettiń shyǵys bóligi parametrleri de bıýdjet qaǵıdalaryn qoldanýdy eskere otyryp aıqyndaldy. 2027–2029 jyldary shyǵystardyń ósý qarqyny 109,2–109,4 paıyz deńgeıinde turaqtandyryldy.
- Atap aıtqanda, respýblıkalyq bıýdjet shyǵystary 2027 jyly 30,2 trln teńge, 2028 jyly – 29,4 trln teńge, 2029 jyly 29,6 trln teńge kóleminde josparlanyp otyr, - dedi vıtse-mınıstr.
Buǵan deıin habarlanǵandaı, búgin Quryltaıda 2027-2029 jyldarǵa arnalǵan respýblıkalyq bıýdjet jobasy tanystyryldy.
