Úsh jylda 3,25 myń shaqyrym jol salýǵa 4,6 trln teńge jumsalady

ASTANA. KAZINFORM — Joldardyń qurylysyna qajetti materıaldar men qyzmetterdiń 90 paıyzǵa jýyǵy otandyq óndirýshilerden satyp alynady. Bul týraly Úkimet otyrysynda Kólik mınıstri Nurlan Saýranbaev aıtty.

— Úsh jylda jalpy uzyndyǵy 3,25 myń shaqyrym bolatyn basym jobalar iske asyrylady. Oǵan 4,6 trln teńge qarjy kózdelgen. Bul jobalar tranzıttik áleýetti arttyryp, elge naqty ekonomıkalyq paıda ákeledi. Tartylatyn qarajat tikeleı jáne turaqty makroekonomıkalyq áser beredi. Onyń ishinde mýltıplıkatıvtik áser baıqalady. Materıaldar men qyzmetterdiń 90 paıyzǵa jýyǵy otandyq óndirýshilerden satyp alynady. Bul ónerkásiptiń damýyna oń yqpal etedi, — dedi Nurlan Saýranbaev.

Mınıstrdiń paıymynsha, avtojol salasyna salynǵan ınvestıtsııa ekonomıkany damytady. 

— Atalǵan bastamalardy iske asyrý úshin úsh jyldyq jospar bekitildi. Qajetti sheshimder qabyldanyp jatyr. Atqarylyp jatqan sharalar elimizdegi kólik ınfraqurylymyn damytyp, tranzıttik múmkindikti arttyrady, — dedi ol.

Aıta keteıik, Úkimet aldaǵy 3 jylda 32 myń shaqyrym óńir joldarynyń normatıvtik deńgeıin 95 paıyzǵa deıin kóterýdi josparlap otyr. 

Sonymen qatar, bıyl birqatar óńirlik joldyń qurylysy bastalmaq.