Úsh jyl buryn adam óltirgen kúdikti Almatyda ustaldy
ALMATY. KAZINFORM – ІІM krımınaldyq polıtsııa departamentiniń qyzmetkerleri 2022 jyly Almaty oblysy Qarasaı aýdanynda jasalǵan qylmysty ashty, - dep jazdy Polisia.kz.
Kúdikti marqumnyń 1,5 mln teńgeden astam qarajatyn ıemdenip alý úshin osyndaı qylmysqa barǵan. Keıin izin jasyrý maqsatynda qaskúnem máıitti oqıǵa bolǵan jerden alyp ketken.
Jedel-izdestirý sharalary barysynda qaskóı ustalyp, qamaýǵa alyndy. Tergeý áreketteri kezinde ol jasaǵan isin, kinásin tolyq moıyndady.
Aıǵaqtardy tekserý kezinde Almaty qalasy mańynda sý qubyrlary janynan qazba jumystary júrgizilip, adam súıekteriniń fragmentteri tabyldy.
Sot-genetıkalyq saraptama nátıjesinde olardyń marqumǵa tıesili ekeni anyqtaldy.
Qylmystyq is «Adam óltirý» baby boıynsha tergelip jatyr. Tergeý organdary isti sotqa joldaý úshin sotqa deıingi tergeý materıaldarynyń tolyqtyǵyn qamtamasyz etip jatyr.
Aıta keteıik, alty aıda elimizde uıymdasqan qylmystyq toptyń 11 kóshbasshysy ustaldy.