Úsh jezqazǵandyq 140 kelige jýyq keptirilgen marıhýanamen ustaldy

TARAZ. QazAqparat – Jambyl oblysynda jezqazǵandyq 3 turǵynnan 140 kelige jýyq keptirilgen marıhýana tárkilendi, dep habarlaıdy QazAqparat tilshisi.

Bul týraly oblystyq Polıtsııa departamentiniń baspasóz qyzmetinen málim etti.

«Kóknar-2019» jedel-aldyn alý sharasyn ótkizý barysynda Jambyl oblystyq Polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri Moıynqum aýylynan 50 shaqyrym jerden 36-47 jas aralyǵyndaǵy buryn sotty bolǵan Qaraǵandy oblysy Jezqazǵan qalasynyń úsh turǵynyn ustady. Olardan jalpy salmaǵy 137 keli bolatyn keptirilmegen marıhýana esirtkisi tabylyp, tárkilendi», - delingen habarlamada.

Búgingi tańda kúdiktiler kinásin moıyndady. Olar Taraz qalasynyń ýaqytsha ustaý ızolıatoryna qamaldy. Sondaı-aq olarǵa qatysty QR QK-niń 296-baby 4-bóligi boıynsha sotqa deıingi tergeý amaldary júrgizilýde.