Úsh jastaǵy búldirshin ákesiniń tapanshasymen oınap otyryp, ózin-ózi mańdaıynan atqan
ASTANA. QazAqparat - Tver oblysynyń Kashın qalasynda qaıǵyly oqıǵa oryn aldy. Úsh jasar qyz bala ákesiniń oqtaýly «Osa» travmatıkalyq tapanshasymen oınap otyryp, abaısyzda óz-ózin mańdaıynan atty, dep habarlaıdy Reseı Tergeý komıtetiniń baspasóz qyzmetinen.
Ákesi oqtaýly tapanshasyn keýdeshesiniń qaltasynda qaldyryp ketken, búldirshin úshin ony alyp shyǵý qıynǵa soqpady.
Abyroı bolǵanda, basyna oq tıgen qyz bala aman qaldy. Oqıǵa ornyna kelip jetken dárigerler brıgadasy ony jergilikti aýrýhananyń jansaqtaý bólimine jetkizdi.
Tergeý organdary uqypsyz ákege qatysty RF QK 224 babynyń 1 bólimimen (Aýyr zardaptarǵa ákelip soqtyrǵan oq qarýdy uqypsyz saqtaý) qylmystyq is qozǵady.
