Úsh jasqa deıingi balalar bıikten qulaǵan sátte meılinshe az jaraqattanady – dáriger pikiri
PAVLODAR. KAZINFORM - Pavlodar oblysynda jyl basynan beri 21 bala terezeden qulaǵan. Ókinishke qaraı, olardyń ekeýi alǵan jaraqaty saldarynan kóz jumdy.
Bıikten qulaǵan balalardyń kóbi ashyq turǵan terezeden shyqqan. Mamandardyń aıtýynsha, jetkinshekter men jasóspirimder qulaǵan sátte kóbine basyn, omyrtqasyn jáne aıaǵyn zaqymdaıdy. Mundaı jaraqat alǵandardyń ońalýyna kóp ýaqyt ketedi.
- Dárigerlik derekterge súıensek, úsh jasqa deıingi jáne aýtıstik spektri buzylǵan neǵurlym jeńil jaraqattanady. Sebebi olar kóbine bıikten qulaǵanyn túsinbeı qalady. ıAǵnı, balalardyń boıynda qorqynysh bolmaıdy, úreılenbeıdi. Soǵan sáıkes meılinshe az jaraqat alady. Al odan eresek balalar barlyǵyn túsinetindikten qulaǵan kezde bulshyqetterin jıyryp ala qoıatyny málim. Ári soǵan oraı aǵza músheleri qatty jarattanyp, súıekteri synady, ishki organdary da aıtarlyqtaı zaqymdanady, - deıdi Pavlodar oblysynyń bas shtattan tys balalar neırohırýrgi Talǵat Qasymbekov.
Eske sala keteıik, jyl basynan beri elimizde 100-den astam bala terezeden qulap ketken.
