Úsh jasar qyzdy jerlep jatqanda tirilip ketti - VIDEO
ASTANA. QazAqparat - Fılıppınde úsh jastaǵy qyzdy jer qoınyna tapsyryp jatqanda tirilip ketti. Bul týraly sheteldik BAQ habarlady.
Jergilikti polıtsııanyń habarlaýynsha, juma kúni qyz balanyń qyzýy kóterilip, qatty aýyrǵannan keıin jergilikti aýrýhanaǵa jetkizilgen. Senbide dárigerler balanyń jan tásilim etkenin tirkegen. Jeksenbi kúni aqtyq saparǵa shyǵaryp salý kezinde kórshilerdiń biri tabytta jatqan qyzdyń qımyldaǵanyn baıqaıdy. Tamyryn ustap, teksergennen soń, onyń tiri ekeni anyqtalady. Jedel aýrýhanaǵa jetkizilgen sábı tekserýlerden ótkizilgennen keıin úıine qaıtarylyp, qazir ata-anasy men meıirbıkelerdiń qaraýynda. Búldirshinniń endigi densaýlyǵy úshin bilikti dárigerler izdestirilip otyrǵan kórinedi.
