Úsh jasar qyz ǵalamnyń eń aqyldylarynyń qatarynda
ASTANA. QazAqparat - Ǵalamnyń eń aqyldy adamdardy biriktiretin «Mensa» halyqaralyq uıymy óz qataryna amerıkalyq Kýın-Krık qalasynyń turǵyny (Arızona shtaty), áli balabaqshaǵa da barmaıtyn 3 jasar Aleksıs Martındi qosty. Jergilikti BAQ habarlaǵandaı, test nátıjeleri Aleksıstiń zerdesiniń kórsetkishi 160 upaıdy quraıtynyn kórsetken. Al ortasha dáreje 100 upaı eken, dep jazdy ITAR-TASS.
Qyzdyń ákesi ıAn Martın jýrnalısterge qyzynyń búginniń ózinde jasyna saı emes aqyl kórsetkishin kórsetip jatqanyn aıtty. Aleksıs AQSh-tyń 5-synyp oqýshylary dárejesinde oqı alady, barlyq amerıkandyq shtattardyń astanalaryn jatqa biledi, álem kartasynda óz elin kórsete alady, tipti, ata-anasynyń iPhone arqyly ózdiginshe ıspan tilin bazalyq deńgeıde meńgerip alǵan.
Martınniń sózine qaraǵanda, ol jary ekeýi qyzynyń bul qasıetin 1 jasynda-aq baıqaǵan. Ol kezde kishkentaı qyz túnde ata-anasy oqyǵan erteginiń mazmunyn aıtyp bergen.
Aleksıs Arızonadaǵy "Mensanyń" eń jas múshesi. Jalpy, uıymnyń quramyna 56 myń eresek jáne 3,3 myń kámelet jasqa tolmaǵan amerıkalyqtar engen.
