Úsh jasar bala tapanshamen qaryndasyn atty
ASTANA. QazAqparat - AQSh-ta bóbekjaı ǵımaraty mańyna kólik ishinde qaraýsyz qalǵan úsh jasar bala óziniń bir jastaǵy qaryndasyn betinen tapanshamen atqan.
Oqys oqıǵa Florıda shtatyndaǵy Venıs qalasynda oryn aldy.
« Úsh jasar bala mashına ishinde qalǵan tapanshany alyp, bir jastaǵy sábıdi atyp jibergen»,- dedi sherıf ókili Vıns Maıer.
Oq tıgen búldirshin aýrýhanaǵa jetkizildi. Ol jaralanǵanmen ómirine qaýip tóne qoıǵan joq. Balalardyń anasy keleńsiz jaǵdaı kezinde kólik ishinde bolmaǵan. Ázirge onyń ústinen qylmystyq is qozǵala qoıǵan joq.
